Trump: Perpûna Vîrusa Korona Dê Heta Meha Nîsanê bo Hemî Amerîkîyan Hazir Be

Trump: Perpûna Vîrusa Korona Dê Heta Meha Nîsanê bo Hemî Amerîkîyan Hazir Be

Serokê Amerîka Donald Trump di preskonferansa dawî de ser xebatên bo perpûna vîrusa korona axifî.

A+A-

Trump dîyar kir ku bi qasî yek ji perpûnên xebat û ceribandinên wê didomin, destûrê bistîne ewê dest bi belavkirina wê bikin.

Wî da zanîn ku piştî pejirandinê ewê di 24 saetan de dest bi belavkirina perpûna vîrusa korona bikin û ewê hemî Amerîkî heta Nîsanê perpûnê bi dest bixin.

‘’Di demeke kin de emê xwedîyê perpûneke bi bandor û ewle bin û vîrusê têk bibin’’ Trump got.

Serok Trump dîyar kir ku dê her meh bi sed mîlyonan perpûna vîrusa korona çêkirin.

Trump herî dawî gotibû ku ewê perpûna vîrusa korona di Cotmehê de hazir be, lê hin pisporên saxlemîyê gotibûn ku ew ‘’planeke bi îdia ye’’

Li gor agahîyên dawî yên Zanîngeha Johns Hopkinsê li Amerîka pirtir ji 6,7 mîlyon kes bi vîrusa korona ketine û bi qasî 200 hezar kes bi wê jîyanên xwe ji dest dane.

Ev nûçe 138 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin