Rêveberê YNKê: Dem kêm û kar zêde ye… Em nizanin emê bigehînin kongrê yan na

Rêveberê YNKê: Dem kêm û kar zêde ye… Em nizanin emê bigehînin kongrê yan na

Endamê rêveberîya YNKê amaje bi wê yekê dike ku karê wan gelek maye bo amadekarîyên kongreya çarem a YNKê, lê li hember wê dema wan jî kêm maye.

A+A-

Navenda Nûçeyan- Endamê rêveberîya YNKê Osman Banîmaranî ji BasNewsê re ragehand: ‘’Bo dema kongre bi aşkerayî diaxivim, kar pir maye û dem jî kêm e, em nizanin di vê heyamê de emê pê re bigehin yan emê biryarên din bidin ne dîyar e.’’

Herwaha got, dem pir kêm maye bo wê roja kongrê ya hatîye dîyar kirin û kar jî pir zêde maye. ‘’Eger îş û karên me heta wê demê bi dawî nebû, emê biryarekî din li ser dema kongreyê bidin.’’

Li gor gotinên Banîmaranî: ‘’Eger tiştek çênebe’’ divê kongre bê kirin. ji ber wê jî pêwîst zanî amadekarîyên kongreya çarem a YNKê bên bilez kirin, ji ber dem kêm e.

Herçend biryare roja 07.12.2019ê kongreya çarem a YNKê bê kirin jî, lê hîn konferansên malbendan bo helbijartina endamên kongreya çarem temam nebûye.

Çavkanî: Basnews

Ev nûçe 91 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin