Qetlbîyayîşê Ugur Kaymazî ser ra 15 serrî vîyartî

Qetlbîyayîşê Ugur Kaymazî ser ra 15 serrî vîyartî

Ugur Kaymaz serra 2004, roja 12ê Teşrîna Peyêne de bi babîyê xo qezaya Mêrdînî Qoser de hetê polîsan ra amebi kiştene. Ugur o wext 12 serrî bi û merdişê ey ser ra 15 serrî vîyartî.

A+A-

Merkezê Xeberan- Ugur Kaymaz serra 2004, roja 12ê Teşrîna Peyêne de bi babîyê xo qezaya Mêrdînî Qoser de hetê polîsan ra amebi kiştene. Babîyê ey şoforîya kamyone kerdêne û polîsan şewêk eşt keyeyê înan ser. Palîsan bi 13 guleyan Uguro 12 serrî kiştbi.

 

13 guleyî ginaybî leşa Ugurî, 8 guleyî zî ginaybî babîyê ey Ahmet Kaymazî ro.

 

Se bibi?

 

Ugur Kaymazo 12 serrî û babîyê ey Ahmet Kaymaz serra 2004, roja 12ê Teşrîna Peyêne de, qezaya Mêrdînî, Qoser de hetê polîsan ra bi îdîaya “terorist ê” ra ameybî qetl kerdiş. Ugur keye de babîyê ey zî kişta keyeyî de, vernîya kamyona xo de amebi kiştiş. Linganê Ugur Kaymanzî de şimikî, linganê babîyê ey de zî çikalî estbî.

 

Ugur Kaymaz paştîya xo ra guleyî werdbî la seba ke wa vajîyo pêrodayîş de ameyê kiştiş, polîsan tirmê înan ver de sîlehî nabî ro.

 

Seba na hedîse dewa amey akerdiş û 4 polîsî Mehmet Karaca, Yaşafettin Açıkgöz, Seydi Ahmet Döngel û Salih Ayaz bê tepiştiş amebî muhakemekerdiş…

 

Mahkema peynî de va “meşru mudafaa” yo û polîsî bereat kerdbî.

 

Keyeyê Ugur Kaymazî dewa berd Mehkemeya Heqanê Merdiman ya Ewropa (AİHM)

 

Keyeyê kaymazî peynî Tirkîya mehkum kerd û seba na hedîse 150 hezar Euro tazminat girewt.

 

Dima ra dadîya Ugur Kaymazî Makbule Kaymaza ke Beledîyeya Qoserî de sey xebatkara pakîye xebitîyêne serrgêra qetlbîyayîşê lajê xo (21Teşrîna Peyêne)  bi KHK wezîfe ra amey girewtiş û beledîye ra erzîya.

 

Peykerê Ugur Kaymazî o ke meydanê Qoserî de amebi viraştiş zî hetê qeyûmê Qoserî ra ame wedaritiş

 

Kiştoxê Kaymazî demê teşebusê derbeya 15 Temmuze ame kiştiş

 

Qatîlê Ugur Kaymazî Yaşafettin Açıksöz o ke  bi 13 guleya Uguro 12 serrî qetil kerd, teşebusê derbeya 15 Temmuze de, yew pêrodayîş de ame kiştiş.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin