PAK (Partîya Azadîya Kurdistanî):

“Roja 23.04.2020î , bi seeta Amedî seet:18.00 de, programê ganî yê Stêrk TVyî de, xeberêk de beyanatêk bi nameyê ‘’Partîyê Kurdistanî’’ yê  derheqê bîyayîşê Zînî Wertê de ameyo dayene. La çi heyf ke a xebere de fotografêka Serekê Pêroyî yê partîya ma Birêz Mustafa Özçelikî yo ke verê cû ameya antene, ameyo dayene.

Ti eleqeyê partîya ma û yê Sereke Pêroyî yê partîya ma bi ê beyanatî çin yo. La Stêrk TVyî seke eleqeyê partîya ma zî bi ê beyanatî esto, fotografa Serekê Pêroyî yê partîya ma a xebere de pare kerdo. Na kerdena înan, vera prensîb û ehlaqê rojnamegerî yo.

PAKî verê cû fikrê xo û pêşniyazê xo derheqê bîyayîşê Zînî Wertê û Başûrê Kurdistanî de raya pêroyî rê pare kerdbi.

Parlamento û Hukmatê Herêma Kurdistanî  û Artêşa Netewî ya Girêdayîya Wezaretîya Pêşmergeyan îradeyê şarê ma yê Başûrê Kurdistanî temsîl kenê.

Bi na wesîle ra, ma sey PAKî newe ra venga heme partîyanê Başûrê Kurdistanî danê; Venga heme hêzanê eskerî, çekdarî, sîyasî, sivîl, venga heme partî û dezgeh û dewletan danê ke, wa hurmet nîşanê estbîyayîş, îxtîdar, resmîyet û qeraranê Parlamento, Hukmat û Artêşa Netewî ya Girêdayîya Wezaretîya Pêşmergeyan bidê. Çareserîya probleman bi caardişê nê gaman mimkun a.

Heto bîn ra partîya ma reyna aşkere kena ke, gere pêro meseleyî û problemî bi rayîrê dîyalogî û bi rayîrê aştîyane bêrê çareser kerdiş.

Wayîrvjîyayîş, pawitiş û averberdişê heme qezencê Dewleta Federe ya  Başûrê Kurdistanî, wazîfe û mesulîyetê netewî, welatperwerî yê heme Kurd û Kurdistanîyanê dinya yo.”

25.04.2020

Buroya Çapemenî û Têkilîye ya PAKî

PAK: Ma Jenosîdê Ermenîyan Şermezar Kenê

PAK: Aşma Remezanî ya heme Misilmananê Kurdistanî û dinya bimbarek bo.

PAK û PSK: Derheqê îdîayê nêraştî yê nuştoxê rojnameyê Milliyetî de rayapêroyî rê malumat

PAK: Ma Dr.Fûad û Şêx Eyubî serrgêra dardekerdişê înan a 95ine de bi hurmet yad kenê