PAK, PDK-Bakur, Pêlkurd, PSK, Tevgera Demokratîk a Kurdistanî: Vera hêrîşanê dagirkeran ma hêzanê xo bike yew

PAK, PDK-Bakur, Pêlkurd, PSK, Tevgera Demokratîk a Kurdistanî: Vera hêrîşanê dagirkeran ma hêzanê xo bike yew

.

A+A-

PAK, PDK-Bakur, Pêlkurd, PSK, Tevgera Demokratîk a Kurdistanî: Vera hêrişanê dagirkeran ma hêzanê xo bikin yew

"Welatê ma Kurdistan bê îradeyê şarê ma sey çar perçe ameyo perçe kerdene.

Se serrîyo ke Tirkîya, Îran, Iraq û Sûrîye , meseleya Kurdistanî de heme meseleyê mîyanê xo dayê kiştêk û pêro-pîya plananê vernîgirewtişê azadî, xelisyayîş û xoserîya Kurdistanî kenê.

Dewletê dagirkerî ewro zî her tewir sîyaset, plan û hêrîşanê xo her çar perçeyanê Kurdistanî ser o domnenê.

Dewleta Tirkîya 98 serrîyo ke Bakurê Kurdistanî û Tirkîya, vera kurdan siyasetêko nîjadperest, şoven û hêrîşkar, sîyasetê dagirkerî, asîmîlasyon, înkar û îmhayî ramnena.

Bakurê Kurdistanî û Tirkîya de operasyonê eskerî, tepiştiş, tehqîqat, hepis, qedexe û astengkerdişê xebatê sîyasî û fikrî bîyê perçeyekê cuya rojane.

Tirkîya tena Bakurê Kurdistanî de ney, Rojava û Başûrê Kurdistanî de zî hêrîşanê xo domnena.

Tirkîya Rojavayê Kurdistanî de Efrîn, Serê Kanî û Girê Sipî îşgal kerda. Tirkîya wazena Rojavayê Kurdistanî zî perçe biko . Hêzê eskerî yê ke girêdayîyê Tirkîya yê, her roj Kurdan remnenê, kişenê, dest ronenê mal û milkanê şarê Efrînî, Serê Kanî û Girê Sipî ser. Kurdî ca û wareyanê xo ra cêra benê, dewlemendiyê herême yenê talan kerdene û diznayene. Demografîya ê herêman aleyhê kurdan de yena bedilnayene(vurnayene)

Rejîmê Esadî her sîyasetê xo yê şowenî û nîjadeperestî domneno û ewro zî bi destegê Dewleta Îranî , tu heqê neteweyî, demokratîk yê şarê ma yê Rojavayê Kurdistanî qebûl nêkerdo û bi plananê hîrayan bedilnayîşê demografîya Rojavayê Kurdistanî ano ca. Hetêk ra zî wazeno heme qezencanê Kurdan çîne biko.

Dewleta Tirkîya, Îran û Rejîmê Esadî semedo ke Rojavayê Kurdistan de qezencanê Kurdan çîne bikê, semedo ke Kurdî welatê xo,  heqê xo yê îdare kerdişê sîyasî, neteweyî qezenc nêkerê, semedo ke miletê Kurd heqanê xo yê neteweyî, demokratîk qezenc nêkero, plananê cîya bi cîya  erzenê dewre. Zaf rey zî nê dewletî pîya planan anê ca.

Semedo ke wa peynîya nê zilmî,  rijnayîşî, jenosîdî û îşgalî bêro, Rojavayê Kurdistanî de, her çî ra ver, mîyanê Kurdan de lazimtîya îtîfaqêko neteweyî, niştimanî esto.

Rojavayê Kurdistanî de mabênê ENKS û PYNKyî de esasê Mutabaqatê Duhokî ser o serra 2014 de teşebusêkê îtîfaqî dest pêkerdo û na xebate hêvîdar a.

Rojavayê welatê ma de serkewtişê şarê ma ancax bi îtîfaqêko saxlem û bi destegê aktîf yê mîyanneteweyî, bi dîplomasîyêka mîyandewletî ya aqilane mimkûn o.

Ma sey PAK, PDK-Bakur, Pêlkurd, PSK, Tevgera Demokratîk a Kurdistanî, hetkarîya îtîfaqo ke mabênê hêzanê Kurd û Kurdistanî de îdareyêko hempar awan biko kenê.

Îtîfaqo ke Rojavayê Kurdistanî de îdareyêko hempare yo eskerî, sîyasî, aborî, dîplomasî bîyaro ca, rayîrê qezenckerdişê heqanê neteweyî, demokratîk de, rayîrê qezenckerdişê heqê xo îdare kerdişê sîyasî, neteweyî , coxrafî yê miletê Kurd de, do bibo destpêkê serkewtişî.

Rojavayê Kurdistanî de partiyê bînî yê bê ENKS û PYNKyî zî beşdarê nê îtîfaqî bibê do îtîfaqê neteweyî, demokratîk xurtêr bibo.

Artêşa Tirkîya hêrîşanê xo yê ke Başûrê Kurdistanî rê benê zî domnena û qismêk erdê Başûrê Kurdistanî hetê Tirkîya ra ameyo îgalkerdene.

Dewleta Îranê zî bi topvaran kerdişan, bi destê hêzê sey Heşdî Şahbî hêrîşanê xo Başûrê Kurdistanî de domnena.

Hukmatê Bexdayî , Tirkîya û Îran pîya semedo ke qezencê federalî yê Başûrê Kurdistanî çîne bikê, semedo ke vernîya xoserîya Başûrê Kurdistanî bigîrê, plananê zafhetinan yê leyminan kenê.

Ewro wayîrvejyayîş û pawitişê  qezencanê federalî yê Başûrê Kurdistanî, hurmetnîşandayîşê îradeyê referandûmê xoserî yê 25ê Îlona 2017, sey wazîfeyêkê neteweyî, niştimanî ser milên her Kurd û Kurdistanîyê dinya yo.

Semedo ke vernîya plananê dewletanê îşgalkeran bêra girewtene , her çî ra ver ewilî hêzê sîyasî yê Başûrê Kurdistanî û heme Kurd û Kurdistanî gereke hurmet nîşanê meşrûîyet û serwerîya Serekî, Parlamento û Hukmatê Herêma Kurdistanî û Hêzê Pêşmergeyê Kurdistanî bidê. Gereke Başûrê Kurdistanî de yewitî û bihêzkerdişê dezgehê dewletî û xurtkerdişê edaletî bingehê awankerdişê Başûrê Kurdistanî bê.

Gereke PKK û heme hêzê çekdarî û yê sîyasî, heme dewletê herême û yê dinya hurmet nîşanê qerar û serwerîya Rayberîya Herêma Federe ya Başûrê Kurdistanî bidê.

Hukmatê Herêma Kurdistanî, Neteweyê Yewbîyayî, Yewîya Ewrûpa, NATO û hêzê mîyanvnetewî yê eleqedarî, gereke  vera hêrîşanê Dewleta Tirkiyaû yê Îranê helwest û razînêbîyayîşê xo aşkere bikê û gamanê muhîman bierzê.

Dewleta Îranî Rojhilatê Kurdistanî de her roj xortanê Kurdan darde kena. Sîyasetêko dagirkerane, siyasetêko îmha vera şarê ma remnena. Dewleta Îranî Başûr û Rojavayê Kurdistanî de semedê astengkerdişê azadî, serwerî û heqanê neteweyî yê şarê ma, aktorêka esasî ya. Hewl û xebatê yewitî û îtîfaqî yê hêzanê neteweyî, niştimanî yê Rojhilatê Kurdistanî, têkoşîna azadî de do destê şarê ma xurtêr biko.

Heme bîyayîşê herême û dinya, meseleya  kurd û Kurdistanî aktuel kerdê. Heta ke miletê kurd heqê tayînkerdişê qederê xo qezenc nêkero, heta ke şarê ma welatê xo Kurdistan de xo bi xo îdare nêkero, mimkûn nîyo ke herême de aşitî, demokrasî û zemînêko adîlane peyda bibo.

Şarê me bi tecrûbeyê xo yê tarîxî û bi zanayîşê xo, heta ke  bireso azadîya xo, do têkoşînê xo bi îmtîhanêko pîl dewam biko. Nê semedî ra sere de wezîfe keweno ser milê hêzanê neteweyî, niştimanî.  Her çî ra ver gereke her perçeyêkê Kurdistanî hêzên welatperwerî, niştimanî hêzanê xo bikê yew, eynî wextî de zî  gereke pêroyê Kurdistanî de heme hêzên neteweyî, niştimanî semedo ke qezencê ke estê bipawê (biseveknê), semedo ke rayîrê azadî û xoserî xurtêr bikê, gereke mîyanê hemkarîye de bê, desteg bidê yewbînan û bi hişmendîyêka neteweyî, niştimanî têbigêrê."

20.02.2021

PAK, PDK-Bakur, Pêlkurd, PSK, Tevgera Demokratîk a Kurdistanî

 

Ev nûçe 163 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin