• Diyarbakır 15 °C
  • Batman 13 °C
  • Hakkari 8 °C
  • Şırnak 9 °C
  • Ağrı 6 °C

Özçelîk: "Êdî Kurd aktorekî esasî ne"

Özçelîk: "Êdî Kurd aktorekî esasî ne"
Peymana Sykes-Picot di roja 16.05.1916an de di navbera Brîtanya, Fransa û Rûsya hate îmze kirin. Rûsya piştî Şoreşa 17ê Octobrê ji vê peymanê vekişîya.

Peymana Sykes-Picot di roja 16.05.1916an de di navbera Brîtanya, Fransa û Rûsya hate îmze kirin. Rûsya piştî Şoreşa 17ê Octobrê ji vê peymanê vekişîya.

Ev peymana li ser armanca parve kirina erdên di bin desthilatdarîya Osmanîyan û ji nûve çêkirina xerîteya Rojhilata Navîn û Rojhilata Nêzîk hatîye îmze kirin. Her çiqwas ev peymana bi %100 pêk nehatibe jî, di encama vê peymanê de, zerara herî mezin gîhaye miletê Kurd û Kurdistanê. Bi Peymana Sykes-Picotê Kurdistan bu çar perçan. Dewleta Tirk, gelek alîyê vê peymane daye îptal kirin.

Piştî Sykes-Picotê , peymanên Sewr û Lozanê hatin îmze kirin. Peymana Sykes-Picot destpêka projeya çarperçebûna Kurdistanê ye. Peymana Lozanê jî di esasê xwe de , ji alîyê çarperçebûna Kurdistanê de,bû tesdîq kirina Sykes-Picotê.

Sykes-Picot neheqîyeke navnetewî ye ku miletê Kurd tûşî bûye.
Û piştî ku sîstema du blokî li cîhanê hakim bû, mixabin, temama cîhanê , di meseleya Kurd û Kurdistanê de ‘’kor, ker û lala’’ bû.
Miletekî îro nifûsa wî 50 milyon e, li ber çavê hemû mirovatîya cîhanê, ji hemû maf û azadîyên xwe, ji dewletbûn û serxwebûna xwe hate bê par kirin.

Perçebûn û bindestî û bê dewletbûna miletê Kurd, di hişmendî û tevna civatê de texrîbateke mezin çêkirîye. Ew cîhana ku çavên xwe ji perçebûn û bindestîya miletê Kurd re girtîye, mixabin çavên xwe ji asîmîlasyon, înkar, îmha û jenosîdên heta nuha li ser miletê me hatîye domandin jî re girtine.

Piştî rûxandina sîstema du blokîyê û bi derketina Pirsa Xelîcê, derzeke baş li Sykes-Picotê ket.

Lê piştî di sala 1992an de avabûna Parlamentoya Başûrê Kurdistanê û di 2003yê de qebûl kirina Herêma Federe ya Başûrê Kurdistanê, ew derza ku li Sykes-Picotê ketibû, kûrtir û firehtir bû. Nuha jî bi referandûma serxwebûnê û bi îlan kirina serxwebûna Başûrê Kurdistanê, Sykest-Picot dê şikesteke mezin bixwe.

Serxwebûna başûrê Kurdistanê, dê bibe destpêka azadî, dewletbûn û serxwebûna her çar perçeyên Kurdistanê.Dê bibe destpêka ruxandina Sykes-Picotê.

Xuşk û birayên delal,

Em wek miletê kurd û gelê Kurdistanê , divê bi dengekî xurt û yekgirtî, bangî cîhanê bikin û bêjin ‘’Êdî bes e. Dewletên cîhanê, divê vê neheqîya ku dest û lingên miletê me girêdayî ye, ji holê rakin.’’

Îro êdî berjewendîyên cîhanê jî, bi guhertina xerîteya nevçeyê û bi çirandina Sykes-Picotê he ye. Divê em li gel cîhanê, vê carê vê peymanê û van xerîtayen biçirînin.

Mafê me yê çarenûsîyê, mafê me yê dewletbûnê mafekî rewa ye; divê em bi biryardarî li dûv vê daxwaz û mafê xwe rawestin. 
Di salên 1900an de, Kurd di sehayê de, di dîplomasîyê de, di yekitî û projeyeka netewî de jî zeîf bûn; li ser maseyê jî zeîf bûn. Jiber wê jî, gava ku Kurdistan perçebûn em bê xwedî û bê hêz bûn.

Lê îro dinya ne dinya berê ye. Kurd ne Kurdên berê ne.
Êdî Kurd aktorekî esasî ne . Li Başûrê Kurdistanê li gel hemû pirsgirêkên xwe ve jî, ji federalîyê em bi ber serxwebûnê ve dimeşin.

Li Rojavayê Kurdistanê li gek hemû kêmasî û şaşitîyên xwe ve jî, Kurd hêdî hêdî statuyekê bi dest dixin.

Li Rojhilatê Kurdistanê tevgera azadîya Kurdistanê di nav xebateke nuh de ne.

Li Bakurê Kurdistanê, her çiqwas bi şer û pevçûn û siyaseta wêran kirinê, dixwazin rê li ber doza azadîya Kurdistanê bigirin jî; her çiqwas, sîyaseta şaş rê li ber vê nîyeta xêrnexwazan xweştir dike jî; êdî ‘’tîr ji kevanê derketîye’’. Tu kes dê nikaribe rêya azadîyê bigirin.

Kilîda azadî, serxwebûn û serkeftinê jî , yekgirtineke li ser nirxên netewî û Kurdistanî ye.

Careke din bi rêz û hurmet bixêrhatinîya we dikim.

Û dibêjim, 
Mirin Ji Sykes-Picot û Lozanê re
Azadî ji çar alîyê Kurdistanê re
Bijî serxwebûna başûrê Kurdistanê

Mustafa Özçelik
Serokê Giştî yê PAKê

Ev nûçe 925 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din
  • Referanduma (Rapirsîna) Serxwebûna Başûrê Kurdistanê Pîroz be!12 Tebax 2017 Şemî 00:52
  • Însîyatîf li Stembolê jî dest bi kar kir11 Tebax 2017 În 00:15
  • ”Bi yek dil û bi yek deng”06 Tebax 2017 Yekşem 01:19
  • Di berbanga serxwebûnê de -3-02 Tebax 2017 Çarşem 14:42
  • Di berbanga serxwebûnê de -2-30 Tîrmeh 2017 Yekşem 20:59
  • “Namûs û şerefa neteweyê xwe diparêze”09 Tîrmeh 2017 Yekşem 15:51
  • Derew, ker û bîrdoziya bêdewletî07 Tîrmeh 2017 În 11:57
  • Welatê me di binê îşxalê da ye29 Gulan 2017 Duşem 18:53
  • “PAK deng û rengekî nû ye!”09 Gulan 2017 Sêşem 18:44
  • Îroj ji sedî sed PAK kurdî bû08 Gulan 2017 Duşem 00:05