Nijdarperestên Tirk Wezîra Kurd bi destdirêjiya cinsî tehdît kirin

Nijdarperestên Tirk Wezîra Kurd bi destdirêjiya cinsî tehdît kirin

.

A+A-

Wezîra Hawirdor û Dadê ya Herêma Flaman a Belçîkayê Zuhal Demîr, li ser medya civakî û bi rêya maîlan rastî gefên destwerdana cinsî hat.

Hat ragihandin ku Dozgeriya Limburgê derbarê gef û heqaretên li Wezîra Hawirdor û Dadê ya Herêma Flamanê Zuhal Demîr de lêpirsîn daye destpêkirin.

Wezîra Kurd Zuhal Demîr hefteyek berê Saziya Diyaneta Tirkiyê weke “Baskê Dirêj” Serokomarê Tirkiyê Recep Tayyip Erdogan pênase kiribû û gotibû bi saya wê yekê Tirkên li Belçîkayê xistiye bin kontrola xwe.

Zuhal Demîr diyar kiribû ku divê mizgeft ji aliyê darayî û îdeolojîk ve serbixwe bin, an dê rewatiya xwe ji dest bidin.

Piştî van gotinên Demîr gefên destwerdana seksê li Demir hatin xwarin ku li gor zanyariyên hatine belavkirin; bi zimanê Tirkî mail ji Zuhal Demîr re hatine şandin û tê de gefa destdirêjiya seksê dixwin.

Di mailekê de hatiye gotin: “Ez navnîşana mala te dizanin û eger tu xwe bêdeng nekî ez dizanim te li ku derê bigirim.”

Polîsan niha ji bo zelalkirina nasname û navnîşana kesê maîl şandiye dest bi xebatên xwe kirine û parastina Wezîra Kurd zêdetir kirine.

Zuhal Demîr ku bi eslê xwe ji bajarê Dêrsim ê Bakurê Kurdistanê ye û 12ê Adara 198an li bajarê Genk ê welatê Belçîkayê hatiye dinyayê. Demir parêzer e û endamê Partiya Flaman e. Zuhal Demir ji 24ê Sibata 2017an ve di hikûmeta Belçîkayê de wezîr e.

Ev nûçe 163 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin