Merdimo tewr serrederg Ehmed Sofî yo ke şaristanê Seqizî yê Rojhelatê Kurdîstanî de ciwîyayêne 138 serreya xo de merd.

Goreyê Ajansê Fermî yê Îranî (ÎRNA) Ehmed Sofî 18ê teşrîna peyêne de şaristanê Seqizî yê Rojhelatê Kurdîstanî de merd. Ame parekerdene ke Sofî serra xo ya derge ra merdo.

ÎRNA kopyayêka qeydê nufisê Sofîyî zû weşanaye û goreyê qeydî Sofî seserra 19. de 28ê sibata 1882î de dadîya xo ra bîyo.

Ehmed Sofî pêro dinya de merdimo tewr serrederg bi.

Sofî ra dima merdimo tewr serrederg kesêko 130 serre bi ke şaristanê Kamyaranî yê Rojhelatê Kurdîstanî ra bi.