Navenda Nûçeyan- Berpirsê Desteya Kargêrî ya Polîtbûroya Yekîtîya Niştimanîya Kurdistanê (YNK) Mela Bextîyar, di derbarê Rojavayê Kurdistanê de ji Rûdawê re ragihand, ku pilaneke mezin ji alîyê Tirkîyê ve hebû bo ku hemû Rojavayê Kurdistanê têk bide.

Mele Bextîyar dibêje lêbelê ew plana Tirkîyê ya têkbirina Rojavayê Kurdistanê bi ser neketîye lê dibêje divê alîyên Rojavayê Kurdistanê ji bo parastina mafên Kurdan bi bernameyeke hevbeş tevbigeri.

Berpirsê Desteya Kargêrî ya Polîtbûroya YNKê tekez jî kir ku divê niha Hêzên Sûrîya Demokratîk (HSD) sûdê ji şaşîyên xwe yên berê werbigrin.

Herwiha Mela Bextîyar destnîşan jî kir ku pêwîst e, hemû alîyên Rojavayê Kurdistanê bi hev re bikaribin, bi projeyeke hevbeş danûstandinê bi hikûmeta Sûrîyê re bikin, ji bo ku mafên Kurdan di destûrê bê ya Sûrîyê de werin bicîkirin.