Li gor amarên herî dawî, li cîhanê hejmara pêketiyên vîrusa Koronayê (Covid-19) ji 151 milyon kesî derbas kir. 

Li gor amarên herî dawî, li cîhanê hejmara pêketiyên vîrusa Koronayê (Covid-19) ji 151 milyon kesî derbas kir û yekem haleta Koronaya Hindî li Fransayê hat dîtin.

Li gor amaran, hejmara pêketiyên Koronayê 151 milyon û 234 hezar kes in û heta niha hejmara miriyan jî li seranserê cîhanê gihiştiye zêdetirî 3 milyon û 182 hezar kesan.

Li aliyê din, ajansa nûçeyan AFP eşkere kiriye; yekem haleta Koronaya Hindî li Fransayê hatiye tomarkirin. Ev di demekê de ye ku di 24 demjimêrên borî de li Hindistanê zêdetirî 386 hezar haletên pêketina Koronayê hatine tomarkirin.

Herwiha li Herêma Kurdistanê jî, li gor amarên Wezareta Tendirustiyê, heta niha zêdetirî 150 hezar kes bi Koronayê ketine û hejmara kesên ku jiyana xwe ji dest dane gihiştiye 4 hezar û 16 kesan.