Kerboran de mezelanê suryanî û ermenîyan ser de ‘Baxçeyê Milletî’ virazîya!
Beledîyeya qezaya Mêrdînî Kerboranî ya ke destê AKP de ya mezelanê welatiyanê ermenî û suryanîyan ser de ‘Baxçeyê Millet’ viraşt.
A+A-
Merkezê Xeberan- Qezaya Mêrdînî Kerboranî de bi nameyê ‘Baxçeyê Milletî’ bi bedêlê milyonek û 270 hezar lîre park û salona veyveyan virazîya.
Proje serra 2016 de bade tayînkerdişê qayûmî amey hadrekerdiş. Weçînayîşê 31’ê adare de beledîyeya Kerboranî kewt destê AKP û proje dewam kerd. Beledîye plan kena ke heta çend rojan park abikero.
La vejîya orte ke park goristanê suryanî û ermenîyan ser de ameya viraştiş.
Şarê Kerboranî naye ser hêrsê xo nişan da û vano: Çîyo ke ameyo kerdiş, gorê exlaq û wicdan û însanetî nîyo.
Şaro ke a mintiqa de cuyeno zî vano, uca goristanê suryanî û ermenîyan bi. la cayê mezelanê înan ser de park ameyo viraştiş. Uca mîyanê şarî de sey tirbe yeno zanayîş.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin