James Jeffrey îro tê Tirkîyê

James Jeffrey îro tê Tirkîyê

Biryar e îro Înê, Şanderê Taybet ê Amerîkayê yê ji bo Karûbarên Sûrîyê, James Jeffrey serdana Tirkîyê bike û ji bo dema du rojan li wir bimîne.

A+A-

Navenda Nûçeyan- Wezareta Derve ya Amerîkayê ragihand, di rojên 8 û 9ê vê mehê de James Jeffrey dê li Enqere û Stenbolê li gel berpirsên bilind ên Tirkîyê bicive.

Tê çaverêkirin, ku rewşa Sûrîyê û Rojavayê Kurdistanê û bi taybet êrîşa Tirkîyê ya li ser Rojavayê Kurdistanê di navbera Jeffrey û berpirsên Tirkîyê de bêne gotûbêjkirin.

Li gor agahîyan, Jeffrey dê daxwaz ji Tirkîyê bike ku pabendî rêkeftina 17ê Cotmehê be û dawî li êrîşên xwe yên bo ser Rojavayê Kurdistanê bihîne.

Her di vê serdanê de Jeffrey li Stenbolê li gel rayedarên Opozîsyona Sûrîyê jî dicive.

Li gorî daxuyanîya Wezareta Derve ya Amerîkayê, Şanderê Amerîkayê yê bo Karûbarên Sûrîyê, James Jeffrey,dê îro înê dest bi wê serdanê bike.

James Jeffrey herî dawîn li gel şanda di bin serokatîya Cîgirê Serokê Amerîkayê Mike Pence de serdana Tirkîyê kiribû.

Ev nûçe 96 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin