HSDê 15 çekdarên alîgirên Tirkîyê girtin û 5 jî kuştin

HSDê 15 çekdarên alîgirên Tirkîyê girtin û 5 jî kuştin

Hêzên Sûrîya Demokratîk (HSD) li bajarê Serê Kanîyê yê Rojavayê Kurdistanê, tîmeka çekdarên ser bi artêşa Tirkîyê ve girtin û 5 çekdar jî kuştin.

A+A-

Navenda Nûçeyan

 

Hêzên Sûrîya Demokratîk (HSD) li bajarê Serê Kanîyê yê Rojavayê Kurdistanê, tîmeka çekdarên ser bi artêşa Tirkîyê ve girtin û 5 çekdar jî kuştin.

 

Jêderekî ji HSDê ji peyamnêrê K24ê re ragihand, şervanên HSDê nêzîkî 15 kesan, ku endamên şaneyeke ser bi artêşa Tirkîyê ve bûn, li Serê Kanîyê desteser kirin, ku hewl didan alozîyê li nava bajêr derbixin.

 

Wî jêderî da zanîn jî, 5 çekdar jî dema hewl didan ji alîyê Tirkîyê ve derbasî nava Serê Kanîyê bibin, ji alîyê şervanên HSDê ve hatin kuştin.

 

Bi gotina wî jêderî, artêşa Tirkîyê dixwaze derbasî gundên derdora Serê Kanîyê bibe lê HSDê rê li ber wan girtîye, ji ber wê jî niha şer û pevçûn heye li wan deran.

 

Ev nûçe 0 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin