HSD: 3 çekdarên girêdayî Tirkiyê hatin kuştin

HSD: 3 çekdarên girêdayî Tirkiyê hatin kuştin

.

A+A-

Hêzên Sûriyeya Demokratîk (HSD)ragihandin ku di encam şerê di navbera hêzên wan û grûpên girêdayî Tirkiyê de 3 çekdar hatine kuştin û 7 çekdarên din jî birîndar bûne.

Navenda Ragihandina Hêzên Sûriyeya Demokratîk di daxuyaniyekê de ragihand, dewleta Tirkiyê êrîşên xwe bo ser bajarê Eyn Îsa û gundên Girê Spî zêde kirine.

Li gor daxuyaniyê, hêzên Tirkiyê gundên el Huriye, Hoşan, Xalidiye û riya M4 kirine armanc.

Di encama şer û pevçûnan li ser mihwerê Hoşan û Xalidiyê 3 çekdarên girêdayî Tirkiyê hatine kuştin û 7 çekdarên din jî birîndar bûne.

Di daxuyaniyê de wiha hate gotin: “Dewleta Tirk a dagirker êrişên xwe li ser gundewarê Eyn Îsa û gundên Girê Spî zêde kir. Di wan êrişan de bi taybet gundên Huriyê, Hoşan, Xalidiyê, û rêka M4 hatin hedef girtin. Şervanên me di çarçoveya parastina rewa de bersivê wan êrişan dan. Di encama bersivdayinê de, li xeta Hoşan û Xalidiye pêvçûn qewimîn. Di wan pêvçûnan de 3 çete hatin kuştin, 7 çete jî brîndar bûn. Topbarana li ser herêmê berdewam dike.”

Ji aliyekî din ve, topxaneya artêşa Tirkiyê çend gundên bi ser Girê Spî jî bi tundî topbaran kirine.
 

Ev nûçe 110 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin