Êrişa Tirkîyê kontrolkirina girtîyên DAIŞê zehmetir dike

Êrişa Tirkîyê kontrolkirina girtîyên DAIŞê zehmetir dike

Li gorî rapora Gurûpa Krîzên Navdewletî, hêj jî li navçeyên di bin kontrola Hêzên Sûrîya Demokratîk (HSD) de, metirsîya serhildan û xwe rêkxistina DAIŞê berdewam e.

A+A-

Navenda Nûçeyan- Grûpa Krîzên Navdewletî raporek belav kirîye û tê de behsa metirsîya girtîyên DAIŞê dike, ku li jêr kontrola HSDê de ne, li Rojavayê Kurdistanê. Li gorî wê raporê, êrîşa Tirkîyê ya li ser Rojavayê Kurdistanê û Bakurê Sûrîyê, zîyan gihandîye hevsengîya leşkerî, û ev yek jî bûye sedem ku kontrolkirina girtîyên DAIŞê zehmetir bibe.

Grûpa Krîzên Navdewletî dibêje  êrîşa Tirkîyê li ser Rojavayê Kurdistanê û bakurê Sûrîyê, balansa leşkerî ya navçeyê têk daye û vê yekê jî wiha kirîye kontrolkirina girtîyên DAIŞê girantir bibe û gefê jî li ser ewlehîya navçeyê û wan welatan jî dirust dike, ku ew girtî jê hatine.

Li gor raporê li Rojavayê Kurdistanê û bakurê Sûrîyê, 3 kamp hene, ku girtîyên DAIŞê ji mêr, jin û zarokên wan lê dimînin ew jî kampên Hol, Roj û Eyn Îsayê ne.

Li Kampa Holê bêhtir ji 70 hezar kesî hene û 30 hezar Iraqî ne, 11 hezar û 200 kesên bîyanî ne Ji 54 welatên cîhanê.

Li Kampa Roj a nêzîkî Qamişlo jî hezar û 700 kes hene, hezar û 200 kes ji wan bîyanî ne.

Li Kampa Eyn Îsa ya li bakurê Reqayê jî nêzîkî 13 hezar kesan hebûn, hezar ji wan bîyanî bûn û di yekeyeke taybet de, girtî bûn.

Lê piştî êrîşa Tirkîyê li ser Rojavayê Kurdistanê, hejmareke kêm ji wan girtîyan hatin veguhastin bo Kampa Hol û beşek ji wan hatin birin bo Tirkîyê û beşek ji wan jî winda bûn, ku zanyarî derbarê wan nînin.

Grûpa Krîzên Navdewletî dibêje ku divê welatên Rojava lezê bi wergirtina wan jin û zarokên ku kesûkarên DAIŞê ne, bikin.

Herwiha daxwaz dike lezê di vegerandina wan jinên ku gefê pêk naynin û pere û hêsankarîyên din ji wan jin û zarokan re peyda bikin ku li kampan dimînin.

Çavkanî: Rûdaw

Ev nûçe 78 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin