Emîrê DAIŞê yê berpirsyarê êrişa Kobanî hat girtin

Emîrê DAIŞê yê berpirsyarê êrişa Kobanî hat girtin

Wezareta Berevaniya Iraqê derbarê desteserkirina emîrê DAIŞê yê bi navê Abdunasir Qrdaş de ragihand ku yek ji cîgirên Ebûbekir Bexdadî bûye û ew ji êrişa Kobanî li Rojavayê Kurdistanê berpirsyar bû.

A+A-

Navenda Nûçeyan - Şaxa Medyaya Ewlehiyê ya girêdayî Wezareta Berevaniya Iraqê bi daxuyaniyeke nivîskî derbarê Abdunasir Qardaşê de ku duh hat girtin û navê wî di xelefên Serokê DAIŞê Ebubekir Bexdadiyê de derbas dibe, agahî parve kir.

Wezareta Berevaniya Iraqê diyar kir ku navê Abdunasir Qardaş ê rastîn Taha Ebdurehîm Ebdula Bekir el Xasanî ye, ew di sala 1967an de li Telafera navçeya Neynewayê hatiye dinyayê û li Mişeyrefeya taxa Mûsilê dijî.

Hat gotin Qardaş di sala 2007an de li Neynewa bûye endamê DAIŞê, li herêma El Cezîreyê jî heta dawiya salê walîtî kiriye û di nav vê demê de li hemberî hêzên Iraqê û sivîlan gelek operasyon kiriye.

Qardaş di serê sala 2010an de “bû alîkarê waliyê herêma Bakur û bi fermana Bexdadî bû waliyê wîlayetên bakur.”

Di sala 2011an de ew û Bexdadî li dervayî Bexdayê hatin çûne ba hevdu û bû serokê şaxa pîşesazî û pêşvabirinê. Paşê Bexdadî bo Sûriyê şand kuli wir cihên çek û teqemeniyan çêdikin ava bike.

Qardaş li Sûriyê bû waliyê herêma Rojhilatê (Heseke, Dêra zor û Reqa), piştî kuştina Ebu Mihemed El Ednanî yê ku yek ji serokê kadroya rêxistinê bû, bû cîgirê Bexdadî.

Di daxuyaniyê de hat gotin Qardaş li Sûriyê û Rojavayê Kurdistanê ji êrişa Kobanî û bidestxistina Tedmur (Palmîra), Heleb û Şamê berpirsyar bû, di çêkirina xaza xerdelê ya di êrîşên dijî hêzên Iraqê de hat bikaranîn tiliya wî hebûye û wê demê ji hemû karên rêvebiriyê berpirsyar bû.

Duh hêzên ewlehiyê daxuyanî dabun ajansa INAya Iraqê û gotibûn saziya îstixbaratê bi operasyonekê Qardaş girtine.

Rûdaw

 

Ev nûçe 202 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin