Dera- 7 leşkerên Sûriyê di teqînekê de hatin kuştin  

Dera- 7 leşkerên Sûriyê di teqînekê de hatin kuştin  

.

A+A-

Di encama teqîna bombeyekê de, 7 leşkerên Sûriyê li parêzgeha Der’ayê hatin kuştin.

Rewangeha Sûriyê ya Mafên Mirovan belav kir, di encama teqîna bombeyekê bi otombîleke artêşa Sûriyê de, 7 leşkerên Sûriyê li parêzgeha Derayê hatin kuştin, 3 leşker jî birîndar bûn.

Ev di demekê de ye, piştî rêkeftina agirbestê û çareserkirina rewşa Derayê, duhî hêzên artêşa Sûriyê û Polîsa Leşkerî ya Rûsî derbasî nava taxa Der’aya Beled bûn.

Ji roja 24ê Hezîrana borî ve, artêşa Sûriyê dest bi operasyoneke leşkerî li ser li hember taxa Deraya Beled a bajarê Derayê kiribû. Di encama êrîş û topbaranên artêşê de gelek welatiyên sivîl bûbûn qurbanî.

Ji roja 1ê Îlonê ve û bi navbênkariya Rûsyayê agirbestek di navbera artêşa Sûriyê û çekdarên xwecihî yên Derayê de hatibû ragihandin.

Li gor xalên agirbestê, hêzên Polîsa Leşkerî ya Rûsî derbasî Derayê dibin û bi artêşa Sûriyê re xalên leşkerî datînin û çavdêriya agirbestê bikin. Herwiha dê rê bidin kesên ku bixwazin ji wê taxê derkevin.

Önceki ve Sonraki Haberler

HABERE YORUM KAT

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin