Çîn: 1716 Doktor û Karmendên Saxlemîyê bi Vîrusa Korona Ketine

Çîn: 1716 Doktor û Karmendên Saxlemîyê bi Vîrusa Korona Ketine

Karbidestên Çînê cara pêşîn hejmara doktor û hemşîreyên ku bi nexweşîya vîrusa korona ketine ji bîragiştî re eşkere kir.

A+A-

Navenda Nûçeyan - Li gor daneyên berpirsên saxlemîyê yên Çînê, 1716 doktor û hemşîre dema dermankirina nexweşên vîrusa korona bi heman nexweşîyê ketine û ji wan 6 kesan jîyana xwe ji dest dane.

Cigirê Wezîrê Saxlemî yê Çînê Zeng Yixin dîyar kir ku doktor û hemşîreyên wî welatî dema dermankirina nexweşên vîrusa korona bo jîyanên xwe jî bi rîskên mezin re rû bi rû dimînin.

Hin jêderên li Çînê ragihandibûn ku berpirsên saxlemîyê bênavber dixebitin û hin caran jî cilên berevanîya dijî vîrusa korona li xwe nakin.

Vîrusa korona ya bi navê Covid-19 heta niha li Çînê 1381 kes kuştine.

Komîsyona Saxlemîya Neteweyî ya Çînê dide zanîn ku vîrusa korona li seranserê welêt ketîyê canê 63,922 kesan.

Ew vîrus li Wuhan ya Hubei ya Çînê derketibû û ji wir derbazî 24 dewletên din bûbû.

Li derveyî Çînê, vîrusa korona ketîye canê 456 kesan û ji wan 2 kesan jîyana xwe ji dest dane.

Dengê Amerîka

 

Ev nûçe 82 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin