Çewlîg: Cinîyêk amey qetilkerdene

Çewlîg: Cinîyêk amey qetilkerdene

Zeynepe Topal hetê mêrdeyê xo ra ke mabênê înan de problemî estbî, Îstanbulî ra keyeyê bextwaştişî yê cinîyan ra pê zorî berdîya Kanîreş. Zeynep destê ci pê layî pey ra girêdaye û pê guleyan amey kiştiş.

A+A-

Zeynepe Topal hetê mêrdeyê xo ra ke mabênê înan de problemî estbî, Îstanbulî ra keyeyê bextwaştişî yê cinîyan ra pê zorî berdîya Kanîreş. Zeynep destê ci pê layî pey ra girêdaye û pê guleyan amey kiştiş.

 

Vizêr taxa Turgut Ozalî ya qezaya Kanîreşî ya Çewlîgî ra vengê guleyan ame eşnawitene. Polîsan baxçeyê sîteyê sanayî de meyîtê cinîyêka ciwane dî. Destê cinîye peyê ci ra pê layî ameybî gêrêdayene. Cinî ser de nasname çinbi. Cenazaya cinî erşawîyaye Dezgehê Tipê Edlîyî yê Çewlîgî.

Dima ra ame zanayene ke cenaza ya Zeynepe Topal a ke 27 serre û dadîya 2 tutan a. 

Gorê zanayîşanê ke ameyî girewtene mabênê Zeynepe û mêrdeyê ci Osman Topalî de problemî estbî. Zeynep di aşmî verê cû şîya Îstanbul û pê waştişê xo hetê Qereqolê Sultanbeylî ra keyeyêkê bextwaştişî yê cinîyan de ameya cakerdene. La Osman Topal hewteyêk verê cû Zeynepe Îstanbulî ra bi zorî berd Kanîreş.

Dima ke cenazaya Zeynepe ameye dîyene mêrdeyê ci û di merdimê mêrdeyê ci ameyî tepiştene.

Cenazaya Zeynep muameleyê otopsî ra dima dewa Cevanî ya Kanîreşî de do bêra definkerdene.

 

 

Ev nûçe 195 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin