Brîtanya de cinîyêka elewî ya kurde bîy parlamentere

Brîtanya de cinîyêka elewî ya kurde bîy parlamentere

Feryale Clark Demîrcî ya ke cinîyêka elewî û kurd a weçînayîşê Brîtanya de ameye weçînayene û bîye parlamentere.

A+A-

Merkezê Xeberan- Weçînayîşanê Îngilîstanî de namzeta Partîya Karkeran a herêma Enfieldî ya Vakurî Feryal Clark Demîrcî goreyê netîceyanê weçînayîşî ameye weçînayene û Parlamentoyê Brîtanya de bîye cinîyêka kurde ya elewî ya yewîne ke London de ameye weçînayene.

 

Namzetêko bîn o kurd Îbrahîm Doguş zî herêma West Bromcwichî de sey namzet amebi mojnayene la weçînayîş de ser nêkewt.

 

Brîtanya de weçînayîşanê verwextan ê 12ê kanûne de goreyê netîceyan Partîya Muxafazakare têna bi xo bîye îqtîdar. Demîrcî weçînayîş de 23 hezar û 340 reyî girewtî. Demîrcî nêmeyê reyan ê herême ra zêdêr reyî girewtî. Sere de Meclîsê Şarê Kurdî û Federasyonê Elewîyan ê Brîtanya dezgehanê Day-Mer, Gîk-Der, Alxas Come paştî da Demîrcî.Demîrcî eslê xo de herêma Kurecîkî ya Meletî ra ya û tewr peyên Hetkara Şaredarê Hacknayî bîye.

 

Namzetêko bîn o kurd Îbrahîm Doguş zî herêma West Bromwichî de Partîya Karkeran ra namzet bi la weçînayîş de ser nêkewt. Doguşî weçînayîş ra dima eşkerayîyêk weşanaye û pare kerd ke ey West Bromwich de ekîbêka serkewte û zerrîwazan reyde xebata weçînayîşî kerde û vat: "Seba komelêkê hîna başêrî têkoşînê ma do dewam biko."

Ev nûçe 355 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin