Artêşa Iraqê: Bi Pêşmerge re gihîştin rêkeftinê

Artêşa Iraqê: Bi Pêşmerge re gihîştin rêkeftinê

Fermandarê Operasyonên Hevbeş ên Artêşa Iraqê aşkere kir, ew bi Pêşmerge re gihîştine rêkeftinê.

A+A-

Peyvdarê Operasyonên Hevbeş ên Artêşa Iraqê Lîwa Tehsîn Xefacî ragihand, ew bi Pêşmerge re gihîştine rêkeftinê ji bo damezirandina navenda hevbeş bi armanca dabînkirina ewlehîya li navçeyên ku hêzên pasewanên Herêmê û hêzên federalî lê nîn in.

Got jî: Em di civîna ligel Pêşmerge de rêkeftin ku hemû astengîyên ewlehîyê yên hene û terorist sûdê jê dibînin nehêlin.

Dîyar kir jî, dengoya wê belav bûye, ku terorist ji Sûrîyê vex we vididizin Iraqê, lê metirsîya wan ne zêde ye ku cihê nîgeranîya mezin be, ji ber ku karînên Fermandarîya Operasyonên Hevbeş hene, teroristan jinav bibin.

Demek e Çekdarên DAIŞê derfet dîtine û êrîşî hin navçeyên Iraqê dikin, bi taybet li navçeyên di navbera Kerkûk, Selahedîn û Dîyale de.

 

 

Ev nûçe 242 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin