Wezîrê Pawitişî yê Sûrîye Alî Mahmûd Abbasî Moskova de Wezîrê Pawitişî yê Tirkîya Hulusî Akarî û Serekê MÎTî Hakan Fîdanî de pêvînayîş kerd.

Wezîrê Pawitişî yê Sûrîye Alî Mahmûd Abbasî Moskova de Wezîrê Pawitişî yê Tirkîya Hulusî Akarî û Serekê MÎTî Hakan Fîdanî de pêvînayîş kerd.

Akar û Fîdanî 11 serran ra dima reya verêne Sûrîye de pêvînayîşêko fermî kerd. Akar û Fîdan Wezîrê Pawitişî yê Rûsya Sergey Şoygu, Alî Mahmûd Abbas û serekanê bînan ê îstîxbaratî de ameyî têhet.

Wezîrîya Pawitişî ya Tirkîya bi eşkerayîyêka nuştekîye derheqê babete de agahîyî dayî û dîyar kerd ke pêvînayîş 'derheqê krîzê Sûrîye, meseleya koçberan û têkoşînê hemparî yê vera rêxistinanê terorî' de ameyo kerdene.

Pêvînayîş de ame parekerdene ke ''Seba caardiş û dewamê aramîya Sûrîye û herême,  pêvînayîşê hîrê terefan do dewam bikerê.''