Wezîrê Derve yê Îranê sibe serdana Sûrîyê dike
Wezîrê Derve yê Îranê Mihemed Cewad Zerîf serdana Sûrîyê dike û dê li Şamê ligel Serokê Sûrîyê Beşar Esed bicive.
A+A-
Navenda Nûçeyan - Berdevkê Wezareta Derve ya Îranê Ebas Mûsewî îro Yekşemê ragihand, ku dê sibe Duşemê 20ê Nîsanê bi serdanekê biçe Sûrîyê.
Mûsewî dîyar kir, ku Zerîf dê bi Serokê Sûrîyê Beşar Esed û herwiha û hevtayê xwe yê Sûrî Welîd Muelim re jî bicive.
Di derbarê acendaya serdanê de jî, Berdevkê Wezareta Derve ya Îranê eşkere kir, pêwendîyên di navbera her du welatan de, guhertinên li navçeyê û rewşa sîyasî û meydanî li Sûrîyê dê bêne gutûbêjkirin.
Îran piştevanekî serekî yê hikûmeta Sûrîyê ye û bi aşkere di warê sîyasî, leşkerî û darayî de alîkarîya wê hikûmetê dike.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin