Weşanxaneyê Roşna ke kitabanê kirmanckî, kurmancî û tirkî weşaneno, 3 kitabê neweyî erşawitî çapxane. 

Weşanxaneyê Roşna ke serra 2012î ra nata Amed de dest bi weşênayîşê kitaban kerd, heta nika 54 kitabê kirmanckî, 4 kitabê kurmancî û 2 kitabê tirkî pêro pîya 60 kitabê 40 nuştoxan çap kerdî.

Nînan ra kitabo yewin yê Havîn Acare yo. Kitabê Acare bi nameyê ‘Li Min Binêre’ erşawîya çapxane û kitab kurmancî yo. Kitab de 43 şîîrî estî û nê şîîrî bi tarzê serbestî de ameyî nuştene. Kitabo dîyin yê Îrfan Sîmserkîjî yo. Kitab bi nameyê ‘Tenyayîya Xwu de’ ameyo vejîyayene, kitab kirmanckî yo. Bêxera nê kitabî, 2 kitabê bînî yê nuştoxî estî.

Kitabo hîrêyin yê Nadîre Guntaş Aldatmaze yo. Kitab bi nameyê ‘Xewn’ de ameyo weşênayene û Kurmancî yo. No kitab ewil bi kirmanckî bi nameyê ‘Pîltane’ amebi weşênayene. Nika bi nameyê ‘Xewn’ hetê Roşan Lezgînî ra tadîyaya kurmancî ser. Benî 2 kitabê edebî ke kirmanckî ra açarnîyenî kurmancî ser.