Grevê vêşanî û rojeyê mergî ke semedê wedaritişê tecrîdbîyayîşê Serekê PKK Abdullah Ocalanî çend aşmîyo ke dewam kerdêne vengdayîşê Abdulah Ocalanî ser o qedîyay.

Avukatanê Serekê PKK Abdullah Ocalanî derheqê pêvînayîşê înan yê roja 22ê Gulane ser o beyanat day çapemenî. Avukatan mesajê Ocalanî wend û Ocalan mesajê xo de waşt wa grevê vêşanî û rojeyê mergî bêrê qedînayîş. 

Vengdayîşê Abdullah Ocalanî ser o Parlamentera HDP ya Colemêrgî Leyla Guvene û 5 hezar kesan çalakîya xo ya greva vêşanî qedêna.

Mesajê Leyla Guvene rewşa weşîya aye ya nêbaşe ver hetê Parlamenterê Wanî Tayîp Temelî ra ame wendene. Tayîp Temelî zî va, semedo ke Ocalan ser o tecrîd wedarîyayo, ma peynîya greva xo arda.

Heto bîn ra namê hepsîyan ser o zî Denîz Kaya beyanat da û va: Ma hepisxaneyan de greva vêşanî û rojeyê mergî qedênaya. Nê beyanatan ra dima sere de Leyla Guvene û xeylê hepsîyê sîyasî bi ambulansan wedarîyay nêweşxaneyan.

Leyla Guven 4 aşmîyo ke greva vêşanî de bî. Onca qasê 5 hezar kesî teber û hepisxaneyan de kewtbî greva vêşanî. Serekê PKKê Abdullah Ocalan serra 2011î ra nat nêeşkêne şêrê Îmralî û muwekîlê xo dir bêrê têhet.