Merkezê Xeberan- Wan de vizêr mînîbusek binê vewrêsî de mendbî. Ekîbê xelisnayîşî ke xebitîyêne ke kesê ke binê vewre de mendî vejê, ê zî binê vewrêsî de mendî.

Hûmara kesanê ke binê vewrêsê diyînî de merdî resaye 23.

Vajîyeno ke kesê ke merdî 8ê înan eskerî û 3ê înan  qoricî yê, 3ê înan xebatkarê îtfaîye yê û 9ê înan zî sivîl ê.

Hetanika 25 kesî zî binê vewresî ra amê xelisnayîş, xeylî kesî zî hema binê vewre de yê.

20 kesê ke hema binê vewre de yê cigêrayîşê înan dewam keno.

Vewrêsê diyînî de Serşewirmendê Serekkomerê Tirkîya Gulşen Orhan û Mudirê Bajarî yê AFADÎ Osman Uçar zî birîndar bîyî û neqlê nêweşxaneyî bîyî.

Seba ke tehlukeyê vewrêsê hîrêyînî esto xebatê cigêrayîşî ameyî vindaranyîş. Heme ekîbê xelisnayîşî û welatî herêma vewrêsî ra ameyî vetiş.