Her çiqas selahîyetdarê Îranî tim qebûl nêkenê mabênê înan û Amerîka de pêvînayîşêk çin o zî, goreyê Serekê Amerîka Donald Trumpî Îran wazeno pêvînayîş biko.

Serekê Amerîka Donald Trumpî baxçeyê Qesra Sipî de qisey kerd û va, " Ez eşkena vajî ke Îran wazeno ma reyde pêvînayîş biko."

Nê beyanê Trumbî bîyê sebebê spekulasyonî û vajîyeno ke  "Trump û Rûhanî do peynîya menge de kombîyayîşê Heyetê Pêroyî yê Neteweyê Yewbîyayî de kom bibê."

Trumpî derheqê na mesela de çîyêko eşkera nêva. Trumpî va: " Goreyê mi Îran wayîrê potansîyelêko pîl o. Ez hêvî  kena ke ma do bieşkê yewbînan uca de bivînî. Goreyê mi ê zî wazenî wina bikî." Derheqê babeta pêvînayîşê muhtemelî de Trumpî Kombîyayîşê Pêroyî yê Neteweyê Yewbîyayî yê New York de va, "Her çi mumkûn o