Serokê Amerîka Donald Trump dibêje, çûna hêzên welatê wî bo Iraqê “xiraptirîn biryar” di dîroka Amerîka de bû.

Serokê Amerîka Donald Trump li Waşingtonê di konferanseke rojnamevanî de ragihand, di demeke nêzîk de hêzên Amerîka ji Iraqê derdikevin.

Hêzên Amerîka di sala 2003 de ji bo şikandina rêjîma Beis, derbasî nav Iraqê bûn û ji wê demê ve beşek ji hêzên Amerîka li wî welatî mane, lê Trump biryar daye hemû hêzên welatê xwe vekişîne.

Îro Tump bi Serokwezîrê Iraqê Mustefa Kazimî re dicive û girîngtirîn babeta civînê jî, biryardana derbarê çarenivîsa 5 hezar serbazên Amerîka li Iraqê ye.

Di beşeke din konferansa rojnamevanî de Trump got: Beşeke mezin ji hêzên me ji Iraqê derketine, tenê hejmareke kêm mane.  Min gotîye ku em ji wî şerê bêdawî derdikevin. Ji destpêkê ve nedibû em li wir bin. Bi nêrîna min ew xiraptirîn biryar di dîroka welatê me de bû. Lê belê di 3 salên dawîyê gavên baş me avêtine û me hêzên xwe kêm kirîye”.

 Basnews