Serekê Baroya Amedî Cîhan Aydinî tepişyayîşê rojnamegeran ver hêrsê xo nişan da û va: “Tirkiye seba rojnamegeran û avukatan bîya welatêko bi talûke.” 

 
Baroya Amedî hewteyê 184ine de, seba ke kiştoxê Tahîr Elçî bêrê aşkerakerdiş verê Efdîleya Amedî de çalakîya vîradişî  viraşt. 

Serekê Baroya Amedî Cîhan Aydinî çalaki de qisey kerd û îzeh kerd ke, dosyaya tehqîqatê Tahîr Elçî de qasî mîsqalî zere averşîyayîş çin o û va: “Gereke rewşa keyfî biqedîyo. Heta ke ma kiştixanê Tahîr Elçî veje vernîya mehkema û cezaya ke heq kerdo bigîro, çalakîya xo domnenê.” 
 

‘TIRKÎYA BÎYA WELATÊKO TALÛKE’ 

 
Aydinî îzeh kerd ke,  Tirkiye seba rojnamegeran û avukatan bîya welatêko bi talûke û wina va : “Avukatî seba xebata xo ya mesleği yene tepiştene yan zî yenê kiştene. Kiştoxê înan yan ceza nêgênê yan vindîbîyaye yê. Tewr peynî rojnameger Huseyîn Aykol seba fikranê xo  ame tepiştiş û erzîya hepisxane. Derheqê Akyolî de xeylê dewayî amê akerdene. Pêro zî seba xebata rojnamegerî yê. Ma no muameleyo ke rojnamegeran û avukatan rê beno şermezar kenê

Grûba avukatan dima ra çalakîya roniştişî viraşt.