Merkezê Xeberan - Semedo ke vajîyeno alkol virusê Korona rê weş yeno zaf kesî verê xo day alkol. La naye ser pîyasa de alkolo sexte bi zêde.

Bajarê Tirkîya Îstanbul de zî rotişê alkolê sexteyî bi zêde. Vizîr ra nat zaf kesî Îstanbul de olkolê sexteyî ra merdî.

Vajîya ke vîzîr ra nat 20 kesî alkolê sexteyî ra merdî û nê kesî hemwelatîyê Tirkmenîstanî yê.

Nika zî 6 kesî nêweşxaneyan de rîyê şimitişê alkolê sexteyî ra tedawî vînenê.

 Îran de zî semedo ke vajîya alkol seba pawiyayîşê virusê Korona hol o alkolo sexte amebi şimitiş û Îran de hetanî nika 160 kesî alkolê sexteyî ra merdî.

Doktorî zî vanî ke, feydeyê alkolî nêweşîya Korona rê çino û wa şar alkol nêgîro û eke gêno zî wa sexteyî ci nêgîrê.