Navenda Nûçeyan- Li bajarê Çanakkaleya Tirkîyê dema ku Ekrem Yaşlî yê 74 salî li Nexweşxaneya Zanîngeha 18ê Adarê ligel hevjîna xwe Bedrîye Yaşlî ya 71 salî bi Kurdî diaxive rastî êrişeke nijadperest dibe.

Nexweşxaneya Zanîngeha 18ê Adarê Ekrem Yaşlî dema bi hevjîna xwe ya bi tirkî nizane re bi kurdî axivîye, xizmê nexweşekî din ê 20 salî li heman nexweşxaneyê li hemberî axavtina Kurdî hers bûye û gotîye: "Ev der Dewleta Komara Tirkiyeyê ye."

Kesê êrişker piştî van gotinan xwe bi şûşeyeke sodeyê Ekrem Yaşli dike û Yaşlî ji sere xwe birîndar dibe.

Yaşlî li heman nexweşxaneyê tê dermankirin.

Hat zanîn ku Yaşli derbarê kesê êrişî wî kirîye de giliyên xwe li ba polîsên nexweşxaneyê kirîye û herwiha Şaxa Komeleya Mafên Mirovan (ÎHD) a Çanakkaleyê derbarê bûyerê de hate agahdarkirin.

Berpirsên Şaxa ÎHDê ya Çanakkaleyê dîyar kirin ku ew dê di ware dadmendî de bûyerê bişopînin.