Navenda Nûçeyan- Berpirsê lijneya bersivdana raportên navnetewî Dr. Dîndar Zêbarî ji BasNewsê re ragehand, madeya 140 a destûra mayînde ya Iraqê namire heta wê dema hemû bicîh tê û NY ji sala 2007ê ve daxwaza bicîhanîna destûrê dike.
Dîndar Zêbarî ragehand, encûmena asayîşa navnetewî ji sala 2007ê ve berdewam amaje bicîhanîna madeya 140 dike bo çareserîya rewşa navçeyê Kurdistanê yên derveyî îdareya herêma Kurdistanê.
Zêbarî amaje bi wê yekê jî kir, ku NY amadebûna xwe nîşan daye bo çareserîya pirsgirêkên wan navçeyan, lê Iraq ne amadeye li gel NYê pirsgirêkê çareser bike.
Li gor Zêbarî NY helwêstê xwe ragehandîye, ku bê beşdarbûn û nêrîna hikûmeta herêma Kurdistanê pirsgirêkên wan navçeyan çareser nabe.
Basnews