Navenda Nûçeyan - Roja 28 vê mehê li nav bajarê Efrîn yê Rojavayê Kurdistanê, kamyoneka bombekirî teqîya. Di wê teqînê de herî kêm 51 kes hatin kuştin û zêdetirî 170 kes jî birîndar bûn. Piranîya kuştî û birîndaran sivîl bûn.
Piştî teqînê, hikûmeta Tirkîyê yekser YPG bi encamdana wê teqînê tohmetbar kir.
Lê berdevkê YPGê Nûrî Mehmûd derbarê teqîna Efrînê de daxuyanîyek belav kir û ew tohmet red kir.
Nûrî Mehmûd di daxuyanîyê de dibêje: Hinek derdoran bêyî ku mijar were teqezkirin, bi awayekî lezgîn YPG ji vê bûyerê berpirsyar girtin. Ev tohmet û tawanbarî dûrî rastîyê ne, ti têkilîyê me bi vê bûyerê ve nîne.”