Duh Jens Stoltenberg, Sekreterê Giştî yê NATOyê bi daxuyaniyeke nivîskî eşkere kiribû; Yewnanistan û Tirkiye ji bo danûstandinên teknîkî li hev kirine, da ku rûbirûyî hev nebin.
Hulusi Akar, Wezîrê Bereyaniyê yê Tirkiyê jî ragihandibû; Tirkiye li benda civîna ligel Yewnanistanê ye ji bo gotûbêjkirina kêşeyên navbera her du welatan.
Hikûmeta Yewnanistanê van îdiayan red dike û eşkere dike ku ti biryarek ji bo destpêkirina danûstandinên navbera Atîna û Enqereyê de nîne.
Wezareta Derve ya Yewnanistanê di daxuyaniya xwe de diyar kir: “Zanyariyên ku behsa danûstandinên teknîkî yên navbera Atîna û Enqereyê dikin, ji rastiyê dûr e.”
Herwiha hatiye destnîşankirin; yekane rêya kêmbûna aloziyan, vekişîna hemû keştiyên Tirkiyê ye ji ava herêma Yerwnanistanê û destjêkişandina Tirkiyê ye di lêgerîna çavkaniyên sirûştî li nav ava herêma Yewnanistanê.