Navenda Nûçeyan - Sîyasetmedarê sunnî yê Iraqî, Xemîs Xencer ji televîzyona Iraqî ya “Alsumaria” TV re gotîye, pîvan û usûlên sîyaseta serokwezîrê nû yê Iraqê Mihemed Ellawî, bi arîşe û kêşe ne.
Xemîs Xencer her wiha gotîye, zehmet e parlementoya Iraqê kabîneya Mihemed Ellawî pesend bike ji ber ku yên piştevanên wî bûn, niha ew jî nîgeran û nerazî ne.
Wî sîyasetmedarê Iraqî daye zanîn, eger kurd û sunnî nebin şirîkên hikûmetê ew hikûmet bi ser nakeve û gotîye, eger kurd beşdarî hikûmetê nebin sunnî jî deng nadin hikûmetê.
Bi gotina wî sîyasetmedarê Iraqî, Mihemed Ellawî, xeletîya ku Heyder Ebadî kiribû, dubare dike û dixwaze kurdan piştguh bixe, ev jî hebûna Iraqê dixe metirsîyê.
Parlementoya Iraqê îro hikûmeta nû ya Iraqê bi serokatîya Mihemed Ellawî pesend dike.
Basnews