Navenda Nûçeyan - Wezîrê Tenduristîyê Dr. Saman Berzincî di konferanseke rojnamevanî de ragihand, niha demeke zêrî ne ji bo encamên serkeftina bi ser Korona de hatine biparêzin û belavbûna wê kontrol bikin, ji ber ku pêwîst e heyama dewra jîyana vîrusê derbas bikin.
Wezîrê Tenduristîyê tekezî li wê yekê kir, ew nikarin bibêjin metirsîyên vîrusa Koronaya Nû COVID-19 nemaye, heta ku yek haletek mabe, ji ber ku ew virus ji yek haletê destpê dike.
Tekez kir jî, ragihandina serkeftina li ser vîrusê, pêwîstîya wê bi demeke zêdetir heye. Pêwîst e qedexeya çûnûhatinê bi hin asankarîyan bê dirêjkirin, ew yek jî ji alîyê Odeya Operasyonê ve tê birêkxistin.
Ev yek di demekê de ye, 3 roj in ti haletên pêketina bi vîrusa Korona li bajarê Hewlêrê nehatine tomarkirin.
Îro 16ê Nîsanê biryara qedexeya çûnûhatinê li Herêma Kurdistanê bidawî dibe û tê pêşbînîkirin ku Wezareta Navxwe îro biryarên nû di wê derbarê de bide.