Navenda Nûçeyan- Wezîrê Derve yê Iraqê Mihemed Elî Hekîm duhî li ser twîttera xwe ragihand, Wezîrê Derve yê Qeterê Mihemed Ebdulrehman dê roja 15 vê mehê (îro) serdana Bexdayê bike.
Wî wezîrê Iraqî daye zanîn, Wezîrê Derve yê Qeterê dê bi berpirsên Iraqî re li ser rewşa Iraqê û alozîyên dawî yên navbera Amerîka, Îran û Iraqê de derketine, gotûbêj bike.
Li gorî agahîyên televîzyona K24, Wezîrê Derve yê Qeterê ku cîgirê serokwezîrê wî welatî ye jî, dê piştî Bexdayê serdana Hewlêrê bike û bi berpirsên Herêma Kurdistanê re hevdîtin bike.