Parlamenterê CHPê Denîz Yavûzyilmaz destnîşan kir û got, "Me tespît kir ku 6 lîsansên ku ji aliyê Wezareta Enerjiyê ve hatine dayîn nehatine betalkirin.” Her weha Yavûzyilmaz rapora teknîkî parve kir.
Alîkarê Serokê Giştî yê CHPyê yê Berpirsiyarê Wezareta Enerjî û Çavkaniyên Siruştî Denîz Yavuzyilmaz, derbarê Anagold Madencilik ya ku li Îliça Erzinganê bû sedema 9 kesan ku di bin axê de bimîne de, geşedanek parve kir.
Yavûzyilmaz ragihand ku her çiqas Wezareta Hawirdor, Bajarvanî û Guhertina Îklîmê destûra hawirdorê û belgeya lîsansê betal kiribe jî, lê ruxsata wê nehatiye betalkirin. Yavuzyilmaz derbarê bûyera wek "klasîkek AK Partiyê" bi nav kir û weha got:
“Piştî karesata di kana zêran a ku şîrketa Anagoldê li Îliça Erzinganê dixebitîne; Hat aşkere kirin ku destûra hawirdorê û lîsansa kargehê hatiye betalkirin. Lê belê me tespit kir ku 6 lîsansên ku ji aliyê Wezareta Enerjiyê ve hatine dayîn nehatine betalkirin. Çavkanî: Rapora teknîkî ya fermî ya şîrketa SSR Mininga ku bi rêjeya ji %80 hevkarê Anagold e.”