Serokerkanê Wezareta Pêşmerge spasiya hikûmet û gelê Almanyayê kir.
Wezareta Pêşmerge ya Herêma Kurdistanê ragihand; di hevdîtina Kolonel Mayer yê ji Wezareta Berevanî ya Almanyayê û Kolonel Kay, Berpirsê Projeyên Almanya yê li Herêma Kurdistanê ligel Cemal Mihemed, Serokerkanê Wezareta Pêşmerge de tekezî li ser berdewamiya hemahengî û alîkariyên hikûmeta Almanyayê ji bo Wezareta Pêşmerge hat kirin.
Wezareta Pêşmerge ragihand; di hevdîtinê de şanda Almanî berdewamiya hemahengî û alîkariyên hikûmeta Almanyayê ji bo Wezareta Pêşmerge car din anî ziman.
Şanda Almanî destnîşan kiriye ku berdewam dibin di karkirina ligel hêzên Pêşmerge de di warê şêwirmendiyê de li Herêma Kurdistanê.
Serokerkanê Wezareta Pêşmerge spasiya hikûmet û gelê Almanyayê kir û amadebûna Wezareta Pêşmerge nîşan da, ji bo hemahengî û hevkariyên ligel tîmên artêşa Almanyayê ya li Kurdistanê.
Hevdîtina Serokerkanê Wezareta Pêşmerge û Şanda Almanyayê
K24