Romana nû ya nivîskarê navdar Jan Dost, bi navê “Şerê Dawî Yê General”, ji aliyê Weşanxaneya Dozê ve hate weşandin.
Ev berhema 362 rûpelî, ku têkoşîna bênavber a generalekî Kurd, Nemir Mele Mistefa Barzanî û xewnên wî yên ji bo azadiya Kurdistanê vedibêje, bi zimanekî wêjeyî yê kûr û bi hêz xwîneran dike mêvanê dîrok, şer û hêviyên netemam.
Di romanê de, generalê ku li ber sekeratê ye, di nav xewn û bîranînên xwe de hespê xwe yê bîranînan diajo, û bi çargavî di nav şerên navxweyî-derveyî, koçberî, xiyanet, zilm û serhildanan re digere. Ev çîrok ne tenê têkoşîna kesekî ye, lê belê qêrînek ji bo azadî û edaletê ye ku di çarçoveya dîroka gelê kurd de cih digire.
“Şerê Dawî Yê General” bi awayekî zelal û hestiyar têkoşîna ji bo azadiya Kurdistanê, êşên gel û xeyalên general Mele Mistefa Barzanî bi xwîneran re parve dike.
Ev romana ku ji hêla Weşanên Dozê ve hat belavkirin, ji niha ve bala xwînerên wêjeya kurdî dikişîne.