Navenda Nûçeyan - Misrê banga agirbestekî kir ku roja Duşemê destpê bike di çarçûva însîyatîfa ku jibo serokatîya Libyayê encûmenek hilbijartî hatibû pêşnîyar kirin. Rusya û Mîrgehên Yekbûyî yên Ereb destek da vê planê belê Almanya dibêje jibo pêvajoya aştîyê danûstandinên bi desteka Neteweyên Yekbûyî (NY) girîng e.
Belê, Wezîrê Derve yê Tirkîyê Mevlut Cavusoglu ev pêşnîyar red kir û her wekî hewildanek ji bo rizgarkirina Haftarî ku di şerî da bezir kirîye nirxand.
"Hewildana agirbestê li Qahîreyê mirî ji dayik bû. Heke agirbestek bihê îmzekirin, divêt ew li cihekê wisa çêbe ku her kesekî bide nav xwe. Me baverî bi agirbesta jibo rizgarkirina Haftarî nîn e û em vê ji dil jî nabînîn," Çavuşoglu gote Hurrîyetê.
Her wiha Cavusoglû got ku Tirkîye dê digel hemû alîyan danûstandinan bidomîne jibo çareserîyekê li Lîbyayê, belê jibo çareserîyeka wisa pêkhatina her du alîyan pêwîst e.