Navenda Nûçeyan- Piştî Civîna Lijneya Ewlekarîya Neteweyî ya Tirkîyê ku bi serokatîya Serokomarê Tirkîyê Recep Tayyip Erdogan hat lidarxistin, danezan hat parvekirin û di danezanê de hat destnîşankirin “operasyona” li Rojavayê Kurdistanê heta bigihije armanca xwe dê bidome.
Di demekê ku bi rojane ji ber êrişên Tirkîye û grûbên girêdayî wê, welatîyên sivîl dibin qurbanî di danezana Lijneya Ewlekarîya Neteweyî ya Tirkîyê tê gotin ku ji bo sivîl zirarê jê nebînin hemî cure tedbîr tên hildan.
Herwiha di heman danezanê de hate gotin ku Tirkîye di têkoşîna dijî terorê de ji ti berpirsyarî û binbarîyê nareve, têkoşîna xwe ya li dijî DAIŞê bi biryardarî berdewam dike.