Navenda Nûçeyan- Encumena Asayîşa Neteweyî ya Tirkîye bi serokatîya Serokomar Receb Tayîb Erdogan civîya. Di encamnameya civînê de hat ragihandin, di civîna nêzîkî pênc demjimêran ajotî de, rewşê ewlekarîya navçeyê hatîye gotubêjkirin.
Tê ragihandin, Tirkîye ji pêşhatên dawîyê yên Îdlibê dilgiran e û biryar hate dayîn, digel Îdlibê, li hin deverên Sûrîyê bergirî bên pêşxistin. Hat destnîşankirin, Tirkîye bo parastina sînorê xwe yê başûr û ewlekarîya civakên dost û bira, bibiryar e hin bergirîyan pêş bixe.
Hat ragihandin, piştevanîya Tirkîye bo hewlên agirbesta Lîbyayê û hikûmeta Fayîz Serac berdewam dibin.