Namzetê Serbixwe yê Tifaqa Welatperwer û Demokrat ê Batmanê Feyyaz Ekmen îro (27.03.2019) dîsa li kolanan li gel xelkê bû.
Cîhgirê Serokê Giştî yê PAKê Kasim Ergün û rêvebir û endamên PAKê û hinek sîyasetmedarên Kurd yên li Batmanê, ji Amedê, Serokê Giştî yê PAKê Mustafa Özçelik, Cîhgirê Serokê Giştî yê PAKê Nurullah Timur, ji Almanya endamê Meclîsa PAKê Siraç Kirici, ji Swêdê endama Meclîsa Ewrûpayê ya PAKê Roza Kurdî, îro beşdarî xebatên hilbijartinê yên li Batmanê bûn.
Tifaqê Welatperwer û Demokrat li ber Kolana Hunerê ya Batmanê standta xwe vekir.
Li standtê Kasım Egün û Feyyaz Ekmen bi hoperlorê di derbarê siyaseta hilbijartinê ya Tifaqa Welatperwer û Demokrat de ji gelê Batmanê re axivîn û belavok li xelkê belav kirin.
Paşê li ser Cadeya Diyarbekirê li gel stranên Kurdî yên ku ji otomobîla hilbijartinê ve di nav bajêr de bilind dibû, belavok li gel belav kirin.
Di dema belavok belav kirinê de û gava ku Kasim Ergün û Feyyaz Ekmen diaxftin,
esnaf û xelkê Batmanê eleqe û pêşewazîyeke germ nîşanî Tifaqa Welatperwer û Demokrat dan.