Navenda Nûçeyan – Li gorî nûçeya Rûdawê Siûdîyê destwerdana serbazî ya Tirkîyê û Îranê bo ser axa Iraqê weke "binpêkirina serwerîya Iraqê" û "êrîşên dijminkarî" bi nav kir û piştgirîya xwe bo Iraqê ragihand.
Wezareta Derve ya Siûdîyê derbarê êrîşên esmanî û bajhî yên Tirkîyê û Îranê bo ser axa Başûrê Kurdistanê û Iraqê bertek nîşan da û di daxuyanîyekê de, destwerdana serbazî ya Tirkîyê û Îranê bo ser axa Iraqê şermezar kir.
Di daxuyanîyê de, destwerdanên serbazî yên Tirkîyê û Îranê bo ser axa Iraqê weke "binpêkirina serwerîya Iraqê" û "êrîşên dijminkarî" hatine binavkirin û hatîye gotin, ew êrîşên Tirkîyê û Îranê yên li ser axa Iraqê li dijî hemû yasa û prensîpên navdewletî ne.