Navenda Nûçeyan- Parlamenterê Partîya Demokratîk a Gelan (HDP) ê berê Sirri Sakik, li ser hesaba xwe ya twîtterê daxuyanîyek belav kir û bertek nîşanî biryarên danîna qeyûman li ser şaredarîyên bajar û bajarokên Bakurê Kurdistanê da.
Sirri Sakik dîyar kir, “Di demeke ku danîna qeyûman li ser şaredarîyên HDPê asayî bûye de ti hêvîya min ji wan alî û şexsên ku ji xwe re dibêjin demokrat nîne” û gotîye, “Lêbelê hêviya min ji HDPê ew e ku ji vê bêçarebûna xwecihî xilas bibe.”
Di dewama twîta xwe de Sakik got ku fikra wî ya şexsî ew e ku HDP ji wan şaredarîyên din bi awayekî hevdem vekişe.