Navenda Nûçeyan - Kesekî nêzîkî serokê bizava Sedir ya Iraqê Muqteda Sedir dibêje, eger serokwezîrê nû yê Iraqê wezîrên kabîneya xwe ji alîgir û endamên partîyên sîyasî destnîşan bike, dê di nav sê rojan de hikûmeta wî hilweşînin!
Hîn xebatên pêkanîna hikûmeta nû ya Iraqê bi serokatîya Mihemed Tofîq Ellawî dest pê nekirine, tehdîdan jî dest pê kir!
Şîretkarekî Muqteda Sedir bi navê Kazim Îsawî ragihandîye, divê wezîrên hikûmeta nû alîgir û endamên ti partîyeka sîyasî nebin.
Kazim Îsawî her wiha gotîye, eger wisa nebe ewê di nav sê rojan de hikûmeta nû hilweşînin!
Wî şîretkarê Muqteda Sedir daxwaz ji Mihemed Ellawî kirîye kabîneya xwe berîya ku mohleta qanûnî xilas bibe, pêşkêşî parlementoyê bike.