Navenda Nûçeyan- Festîvala ku di warê belgefîlman de li dinyayê festîvalek girîng e îsal 32'yemîn car li dar ket. Merasima xelatdayînê li Enstîtuya Fîlman EYE ya li Amsterdama Hollandayê li dar ket. Fîlmê Dosky "Sidiq û Panter" bi Xelata Fîlmê Herî Serketî hat xelatkirin. Dosky di belgefîlm de ketîye dû çîroka Sidiq ku li çîyayan ketîye pilind. Ev 25 salên wî ne ku dixwaze vê pilingê bibîne û bi delîl eşkere bike ku ew li çîyayên Kurdistanê ew heye.
Di şevê de Maasja Ooms bi belgefîlmê xwe "Rotjochies" Xelata Taybet a Jurîyê girt. Her wiha heman belgefîlm di beşa Derhênerê Dîmenê yê Herî Serketî û Vesazkirina Herî Serketî de jî bi ser ket.
Di beşa belgefîlmên metrajdirêj de belgefîlmê Heidi Hassan û Patricia Pérez Fernández ê bi navê "In a Whisper" xelata Belgefîlmê Serketî girt. Di vê beşê de Xelata Derhênerê Serketî Mehrdad Oskouei bi belgefîlmê xwe "Sunless Shadows" bi dest xist.
Çavkanî: Dîyarname