Navenda Nûçeyan - Serokwezîrê Nemsayê Sebastian Kurz îro Sêşemê 3yê Adarl di civîneke rojnamevanî de ragihand ku Tirkîye dixwaze ji bo wergirtina pereyan mijara koçberan li hemberî Yekîtîya Ewropayê bikar bîne û nabe Yekîtîya Ewropayê barî Tirkîyê li xwe bike.
Sebastian Kurz got: “Tirkîye bi sozên vale dane koçberan û wan hemûyan dişîne bo ser sînorê Yunanê. Ew koçberan wek çekeke zextan bo ser Yekîtîya Ewropayê bikar tînin.”
Kurz herwiha ragihand ku ew tişta niha li ser sînorê Yekîtîya Ewropayê ligel Tirkîyê rû dide, ezmûnek e bo Ewropa ku ew dikare sînorê xwe biparêze yan na.
Di heman demê de Serokwezîrê Nemsayê amadebûna welatê xwe bo piştevanîkirina Yunanê di parastina sînoran wê de nîşan da.