Bi daxuyaniyekê Serokatiya Pêwendiyan a Serokomariya Tirkiyê ragihand, Erdogan wê bi Mîrê Kuweytê yê nû Newaf Ehmed Cabir el Sebah re bicive û ji ber wefata mîrê berê serxweşiyê lê bike.
Herwiha, Erdogan dê bi Mîrê Kuweytê re li ser pêwendiyên navbera her du welatan û mijarên girêdayî navçeyê gotûbêj bike.
Erdogan piştî Kuweytê, wê serdana Qeterê bike û bi Mîrê Qeterê Temîm bin Hemed Al Sanî re bicive.
Serokomariya Tirkiyê diyar kir, Recep Tayyip Erdogan û Temîm bin Hemed Al Sanî dê di derbarê mekanîzmayên pêşxistina hevahengî û pêwendiyên di navbera her du welatan gotûbêj bikin û rewşa dawî ya hin mijarên navdewletî û navçeyê jî binirxînin.
Di serdana bo her du welatan de, Wezîrê Darayî Berat Albayrak, Wezîrê Berevaniyê Hulusî Akar, Serokê MÎTê Hakan Fîdan, Wezîrê Werziş û Lawan Mehmet Kasaboglu, Serokê Pêwendiyan yê Serokomariya Tirkiyê Fahrettin Altun û Berdevkê Serokomariyê Ibrahîm Kalin bi Erdogan re ne.